قصيدة المفسدون .. المفلسون .. السيئون

قصيدة جميلة للشاعر الكويتي يصف فيها #دعاة_الفتنة و #تجار_الدين

المفسدون .. المفلسون .. السيئون
استشرفوا فجأة وصاروا ينصحون

وصرنا نشوف صورهم في كل مكان
ثكاثروا يا علهم ما يكثرون

زانت تجارتهم علينا وربحت
لقوا لهم ناس عليهم يضحكون

تشبعوا باسم الحلال .. عن الحرام
تكبر مطامعهم ومعها يكبرون

معيشين الناس في كذب و وهم
والمشكلة في ناس فيهم يؤمنون

نصيحتي لأهل العقول من البشر
اللي إذا ناقشتهم يستقبلون

ولا الرعاع .. عقولهم برجولهم
لا أقدر افهمهم ولا هم يفهمون

الدين واضح ،السياسة واضحة
وبين الثريا والثرى .. لا تخلطون

تحكموا بعقولكم يا أهل العقول
مو كل صوت رحتوا يمه تركضون

مستكفرين الفكر خدام العدو
متصنعين الراي و الدين يهبون

اللي تعيشك الحناس إليا خطبت
على عديمين الثقة يتكسبون

أهل الجهاد اللي يقولونه لكم
بعيالنا و بعيالكم .. ايجاهدون

ناس تضحي بغيرها باسم الجهاد
واللي خلقني ناس فيكم يلعبون

دين التسامح صار دين المجرمين
من كثر ما هم في بعضهم يذبحون

وقناعة الانسان تهديه الصراط
يمشي بها لو كان ما عنده عيون

وعقولنا في روسنا ودروسنا
نعلم بها من الله ما لا يعلمون

حنا بلاد الخير والدين الحنيف
حنا علينا كلهم ما يقدرون

حنا معانا الله على الشدة سند
وعدواننا من دون اراضينا يخسون

وحكامنا .. من بعد ربي .. درعنا
وحنا معاهم وين ما هم ينهجون

واللي وعدوكم شي ما هو بإيدهم
تبطون ما حصلتوا اللي توعدون

ودوكم الجنة وهم ببيوتهم
ولا شفتوا الجنة ولا هم يحزنون